සත්‍ය දහමක නිවැරදි මග සලකුණු

අපේක්ෂිත ගමනාන්තය කරා සාර්ථකව ලඟාවීමට නම් නිවැරදි මඟ හා එහි මං සලකුණු හරිහැටි දැන සිටීම ඉතා වැදගත් වන්නේය. බොහෝවිට මං සලකුණු හරිහැටි නොදන්නා අයෙක් වැරදි මඟක ගොස් අපේක්ෂා භංගත්වයට පත්වී විනාශය කරාද ලඟා විය හැකි බව අප ඉතා හොඳින් දන්නා කරුණකි.  තවත්  උඣිහරණයක්  වශයෙන්  දක්වන්නේ  නම්  සැබෑ  හා  ව්‍යාජ  රත්තරන්  වෙන්කර හඳුනාගැනීම සඳහා අපට උරගලක් අවශ්‍ය වන බව ප‍්‍රායෝගිකව දන්නා කරුණකි. උරගලක් මෙන්ම නිවැරදි මං සලකුණු ලෙස සත්‍ය දහමක් ව්‍යාජත්වයෙන් වෙන් කර හඳුනා ගැනීම සඳහා භාවිතා කළ හැකි සාධක මොනවාද යන්න අප විසින් සොයා බැලීම වැදගත් වන්නේය.
අපට දෙමව්පියන්ගෙන් උරුමවූ දහම පිළිබඳව අප කිසි දිනක විචාරශීලී බුද්ධියෙන් විමසා බලා ඇත්ද? අද අප කරමින් සිටින්නේ දෙමව්පියන්ගෙන් කිසිම වැරදි දෙයක් අපට ලැබිය නොහැකිය යන මතය මත පිහිටා ඇස් කන් වසාගෙන කිසිම විචාරයකින් තොරව පාරම්පරික දහම අනුගමනය කිරීම නොවේද?  යථාර්තයෙන්  හා  විචාරයෙන්  සිතා  බලා  දහමක්  පිළිබඳව  නිවැරදි  නිගමනයකට නොපැමිණීමේ ඵල විපාක අන් සියළු කරුණුවලට වඩා භයානක විය හැකි බව, එනම් විශේෂයෙන්ම මරණින් මතු ජීවිතයේ ඉතා අභාග්‍ය සම්පන්න තත්ත්වයකට අප පත්විය හැකි බව සිතන විට මේ ගැන නිහක්‍ෂව අන්ධ භක්තියෙන් කටයුතු නොකළ යුතුය යන මතය සමඟ ඔබ එකඟ වනු ඇතැයි දැඩිව අපේක්ෂා කරමු. එ් නිසා සත්‍ය දහමක් තෝරා ගැනීමේදී දැනගත යුතු මං සලකුණු මෙන්ම සත්‍යය හා අසත්‍යය වෙන්කර ගැනීමට භාවිතා කළ හැකි උරගල මෙන්වූ සාධක ගැනද පූර්ව නිගමනයන්ගෙන් හා බැඳීම්වලින් බැහැර වී විවෘත මනසකින්  හා විචාරශීලී බුද්ධිය  මෙහෙයවා  කරන්නාවූ විමසුමකට සහභාගි වන ලෙස ඔබට ආරාධනා කරන්නෙමු.
ඌන දැනුමක් ඇති අයෙකුට එනම් මිනිස් දැනුමේ සීමාවන්ගෙන් ඔබ්බට දිව යන ගැඹුරු, පලල් හා අසීමිත දැනුමක් නොමැති අයෙකුට මිනිසාගේ මෙලොව හා මරණින් මතු ජීවිතයේ ජය මාවත විග‍්‍රහ කොට නිවැරදි මඟ පෙන්වීමක් කිරීමට හැකිවේ යැයි සිතීම අනුවණකමක් බව අප සැම ඉතා හොඳින් අවබෝධ කරගත් කරුණකි. එනිසා දහම ලබා දෙන්නා කෙරෙහි සර්ව සම්පූර්ණ ඥාණයක් තිබිය යුතු බව සැවොම අවිවාදයෙන් පිලිගනු ඇතැයි කිසිම සැකයක් තිබිය නොහැක. එනම් දහම ලබාදෙන්නා සර්වඥ විය යුතුය. මෙය පලමුවෙනි කොන්දේසිය ලෙස පිලිගැනීමට ඔබට අපහසුතාවයක් නැතැයි විශ්වාස කරන්නෙමු.
දැනට ඇති දහම් සියල්ල පැරණි එ්වා වන අතර එම දහම් සර්වඥයෙක් විසින් ලබාදී ඇත්නම්, අද අප අතට පත්වී ඇති එම දහමේ ලේඛණ සර්වඥගේ වචනයෙන්ම, ඔහුගේම අදහස් කිසිම වෙනස් කිරීමකින්  තොරව  එලෙසින්ම  සුරක්ෂිත  වූවක්  විය  යුතුය.  නැතිනම්  ආරම්භයේ  දහම  දුන්නේ
සර්වඥවූවත් අතරමැදි කාලයේදී මිනිසුන් විසින් තමන්ගේ සාමාන්‍ය බුද්ධියෙන් එ්වා වෙනස් කර ඇත්නම්, අද අප අත ඇති දහම සර්වඥ විසින්ම දුන් දහම යැයි කෙලෙසකින්වත් පිලිගත නොහැකි තත්වයක් අනිවාර්යයෙන්ම ඇති වන්නේය. එ් නිසා දෙවැනි කොන්දේසිය ලෙස සර්වඥ විසින් දෙන ලද දහම එලෙසින්ම සුරක්ෂිතව ඇති බවට පිළිගත හැකි සාක්ෂි තිබිය යුතුය. සත්‍ය අසත්‍යයෙන් වෙන්කර දක්වන මෙම කොන්දේසි දෙක පදනම් කරගෙන අනිකුත් මං සලකුණු ඉදිරියට සාකච්ඡුා කරමු. මිනිස් චින්තනයේ පරස්පරතාවයන් ඇතිවීම වැලැක්විය නොහැකි කරුණක් බව අප සැවොම ප‍්‍රායෝගිකව දන්නා කරුණකි. විශේෂයෙන්ම එක් විෂයයක් සම්බන්ධව ප‍්‍රකාශිත අදහස්වල වෙනස්කම් කාලයේ පරතරය දිගු වනවිට බොහෝ විට සිදුවිය හැක්කක් බව අප අත්දුටු සත්‍යයකි.  ඕනෑම විද්වතෙක් එක් විෂයයක් සම්බන්ධව පස් අවුරුද්දකට පෙර දැරූ මතය හා පස් අවුරුද්දකට පසුව එම විෂය සම්බන්ධයෙන් දරණ මතයේ බොහෝ දුරට වෙනස්කම් ඇතිවිය හැකි බව විශාරදයින්ගේ මතයයි.
Advertisements
Published in: Uncategorized on April 3, 2011 at 4:24 pm  Leave a Comment  

The URI to TrackBack this entry is: https://sirisangabo.wordpress.com/2011/04/03/%e0%b7%83%e0%b6%ad%e0%b7%8a%e2%80%8d%e0%b6%ba-%e0%b6%af%e0%b7%84%e0%b6%b8%e0%b6%9a-%e0%b6%b1%e0%b7%92%e0%b7%80%e0%b7%90%e0%b6%bb%e0%b6%af%e0%b7%92-%e0%b6%b8%e0%b6%9c-%e0%b7%83%e0%b6%bd%e0%b6%9a/trackback/

RSS feed for comments on this post.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: